تجنب سمسار البطاطا حتى لا تضيع وقتك
فى سنين عملى فى العقارات قررت إتعلم التسويق العقارى بالخبرة والكتب وكل شىء ومن أهم الدروس اللى إتعلمتها هو البعد عن سمسار البطاطا
ولو عاوز تعرف مين هو سمسار البطاطا شوف المقارنة دى وإنت تفهمنى أكتر
مقارنة بين زمااان ودلوقتى فى تقييمى للسمسار العقارى اللى بيرد عليا
زمان :
أنا : طب وحضرتك ماسك مناطق إية وممكن نتعاون فى إية
السمسار : إحنا شغالين فى التجمع الخامس ومدينتى والشروق بيع وإيجار , محلات وشقق وفيلل وأراضى
أنا : ماشاء الله طب عندكم حاجه فى مدينتى 100م ؟
( إنطباعى : ماشاء الله دا سمسار جاحد وباين علية خبرة ومدقدق – هو دا اللى الواحد يعمل معاه شغل ويعتمد علية )
هو : طبعا ياباشا عندنا هجمعلك اكم حاجه وأكلمك
أنا : تسلم يا …. باشا وانا مستنيك
هو : إن شاء الله – مع السلامة
أنا : مع السلامة ( وأستنى مكالمتة وانا بفارغ الصبر )
النتيجة : فية نتائج كتير وسيناريوهات كتير بتحصل هقلهالك أخر البوست
طب دلوقتى :
أنا : طب وحضرتك ماسك مناطق إية وممكن نتعاون فى إية ؟
السمسار : إحنا شغالين فى منطقتين بيع وإيجار ومفروش , محلات وشقق وأراضى
أنا : تمام يا .. باشا ربنا يرزقك وإتشرفت بمعرفتك
( إنطباعى : سمسار بطاطا فى البلالا لسة مبتدأ)
هو : الشرف لينا – مع السلامة
أنا : الله يسلمك ( بسجل رقمة عشان غالبا مش هكلمة تانى )
طب هو إية اللى حصل ماتفهمنا إنت عاوز تقول إية ولية إنطباعك إتغير ؟؟
السيناريوهات اللى بتحصل فى نموذج المكالمة الاولى كلاتى :
سيناريو 1 : الوسيط مابيتصلش تانى لانة مش لاقى حاجه
سيناريوا 2 : نفس السيناريو اللى فات لكن كمان أنا بتصل أتابعة أكتر من مرة وهو كل مرة يقوللى بشفلك ومايجبليش
سيناريوا 3 : مش هيتصل وانا أكلمة أكتر من مرة وهو مايردش أصلا عشان يا إما نسى يا إما معندهوش حاجه يا إما مشغول
سيناريوا 4 : نادرا لما يحصل ) : بيتصل يقوللى بيان بس البيان بيكون ضعيف جدا وسهل وغير مناسب للعميل
وفية ممكن 3 سيناريوهات سلبية أخرى
طب عاوز تقول إية ؟
بص يا سيدى – الموضوع كلاتى : لما أجى أفكر أتعاون مع وسيط لازم يكون الوسيط دا مش هيضيعلى وقتى وهيفيدنى لان أكتر حاجه غالية عندة مش الفلوس لا
أغلى حاجه عندى كوسيط عقارى هو الوقت – لان فى الوقت دا انا بشتغل بجيب فية الفلوس
فلما الاقى إن وسيط مشتت مجهودة فى عدة أنواع من العقارات ( شقق – محلات – أراضى ) وكذلك عدة معاملات ( بيع إيجار مفروش ) لان دا صعب على اى حد إلا فى حالة واحدة فقط ( إن المكتب يكون فية أفراد كتير وموزعين الشغل بينهم
يبقا غالبا أنا لما أسالة على طلب مش يفيدنى قوى أو بالاصح مش هيقدملى بيانات متعوب عليها ولا هيكون صعب إنى إجيبها – بل هيقدملى إعلانات وشغل ممكن اجيبة فى يومين تلاتة
زى بالظبط لو حضرتك لاقيت دكتور كاتب على يافطتة ان تخصص ( مخ وأعصاب وقلب وباطنة ونساء وولادة )
ودكتور تانى مكتوب على يافطتة إن ( مخ وأعصاب ) تقييمك هيكون أفضل لانهى طبيب ؟
فالصح ونصيحتى ليك بإختصار فى المقالة دى هى إنك ماتضيعش وقتك فى حالة إنك عاوز تفتح شغل مع حد هو نفسة مضيع وقتة بين أكتر من حاجه – ماتضيعش وقتك فى مكالمة ولا رايح وجاى ومواصلات وتعشم عميلك وإنت أساسا مش هتستفيد بأى شىء من التعامل مع شخص شغال فى التسويق العقارى لكنة لسة مش محترف وحاول تتعامل مع الوسطاء اللى هيقدمولك بيانات فعلا هتفيدك
وإعرف إن أهم مصدر لازم تحافظ علية هو وقتك والوقت والمال عاملين للوسيط العقارى زى البيضة ولا الفرخة – مين اللى أهم
طبعا البيضة مهمة لكن الفرخة أهم
تستطيع الاطلاع على هذة المقالة ستفيدك
لقراءة مقالات فى علم التسويق العقارى ستجدها فى قسم تعلم التسويق العقارى من هذا اللنك بالاسفل
أو تصفح الموقع الرئيسى من هنا
–
مشاركة المقالة والتعليق عليها يشجعنا جدا
وياريت لو تعمل دعوة وتاج لاصدقائك وتابعونا على صفحتنا
